Загревање Vol. 2

01. Full Body Welcome

Воведен тренинг во продoлжението од првата програма или директен старт на поискусните. Овој 20 до 30 минутен тренинг без планирана пауза во истиот ќе го опфати целото тело и ќе ве предизвика на секое можно поле. Не се плашете од старт да почнете со високо темпо и да пробате да го задржите до крај. Среќен почеток!

02. Нозе и јадро

Тренинг поделен во два дела. Првиот дел е посветен на нозете, со помош на три вежби изведени во голем волумен на повторувања ќе го опфатиме секој дел од нозете соодветно. Вториот дел од тренингот е фокусиран на јадрото каде со помош на истиот систем истото ќе го ставиме во работа.

03. Горен дел од тело

Овој интервален тренинг со интервали од по 2 минути најмногу го третира горниот дел на телото. Рамена и горниот дел на грбот ќе имаат сериозна задача да се стават во функција за се издржат секоја од 120 секундната рунда. Планираната пауза помеѓу секој од интервалите ви помага да земете малку здив но не се залажувајте, секој почеток ќе е предизвик но вие тоа го можете.

04. “45/15”

Системот 45 секунди работа проследен со 15 секунди пауза е повеќе од докажан во нашите програми па затоа еве го и тука. Преку комбинација на пар вежби изведувани паралелно една по друга соодветно ќе го нападне вашиот локомоторен систем и во минимално време ќе ве качи на едно повисоко фитнес ниво. Паузата на секоја вежба е токму доволна да само земете некој здив и одма назад на работа. Фатете одржливо темпо и истрајте до крајот на тренингот.

05. All about CORE

За сите уживатели на тренинг за стомачните мускули ова е правиот за вас. Соодветно искомбинирани вежби кои ќе го опфатат секој мускул од јадрото на вашето тело, а не само на оние што ги гледаме во огледало. Но да биде играта интересна на секоја промена на вежбите имате условно наречена казна која во овој случај ќе е награда бидејќи секој атом од вашето тело ќе сака да застане и да одмори од сета таа тензија на стомачните мускули.

06. “Tabata”

Не дозволуваме да помине програма и во неа да ја нема толку омилената и во исто време озлогласената Табата. Систем на вежбање и пауза повторен во неколку серии ви дава единствено искуство и забава во исто време. Бидете подготвени за висок пулс, динамични интервали и спремни за секој старт на вежбите. Останува да уживате и да станувате посилни.

07. “Тotal body, Lets up the heat”

Класична комбинација на пар вежби распоредени во три групи е употребено во овој тренинг кој целото тело ќе ви го таргетира комплетно и ќе ве остави по завршувањето на легнати на земја. Соодветно комбинирани вежби секоја посебно исклучувајќи ја другата ви дозволува колку и да мислите дека сте уморни да продолжите и да буткате. Нема потреба од дополнително објаснување. Пуштај плеј и не застанувај.

08. “45/15” нозе и јадро

Повторена шема на 45 секунди работа со 15 пауза овојпат со други, системски попредизвикувачки вежби. Малку повеќе таргетирана комбинација на нозе и јадро од кои никогаш доволно. Паметно користете ги паузите планирани во овој тренинг и послушај го овој совет: “Трката се добива на последниот круг”. Темпо од почеток и доколку се чувствувате јако и можете од половина натака “гас до даска”.

09. Метаболичка кондиција, аka Cardio!

Овој 20 или 30 минути кружен тренинг нема никого да остави рамнодушен. Без разлика колку си спремен и правиш тренинзи од ваков карактер не е можно да почнеш и го победиш тренингот. Секогаш може побрзо, потешко и поинтензивно. Елементот на трчање го менува осетот на секоја комбинација па затоа и овој тренинг има посебна тежина само по себе. Најдете доволно комотно место за тренинг и дајте се од себе.

10. Jадрото и уште нешто

Првата комбинација на вежби кои ја третираат регијата на јадрото и сите нејзини составни делови е таа со која ќе го започнете овој тренинг. Ова ќе биде условно кажано вовед на вториот дел кој ќе има временска компонента и ќе го вклучи во работа цело тело. Паузата помеѓу двата дела ги одвојува и ви дава можност за мал одмор пред вториот поинтензивен по однос на пулсот дел.
П.с. пробај издржи 6 или 8 минути без пауза и редефинирај ја теоријата за релативност

11. Total body Burpee punishment

Е, дојде моментот кога ќе се стави вашата волја на тест. Колку може да истраете и да го дадете вашето максимално темпо толку побрзо ќе го завршите тренингот. Овој тип на вежбање само по себе ќе ве мотивира да се борите до крајот бидејќи секои нови две минути ви се казнети со брпис. Намалете го времето на одмор помеѓу вежбите и брписот и пред да се свестите ќе бидете завршени.

12. AMRAP – As Many Reps As Possible

Тренинг со однапред определена временска компонента во која задача ќе ви биде да направите што е можно повеќе повторувања од вежбите. Доминација на вежби за долниот дел на телото со компонента на јадро низ нив. Пробајте да сте истрајни и секој сет да го завршите без пауза, одморете малку пред следната вежба и фаќајте се за работа. Запишувајте го секој тренинг за да кога ќе го повторувате имате репер што ви е целта да достигнете и поминете.

Истегнување vol. 1

Овие вежби се наменети за истегнување по завршување на секој тренинг. Погрижете се да не го прескокнувате овој важен сегмент од вежбањето!

Истегнување vol. 2

Овие вежби се наменети за истегнување по завршување на секој тренинг. Погрижете се да не го прескокнувате овој важен сегмент од вежбањето!