1. Активација на цело тело

Интервален тренинг во кој се повторуваат неколку вежби со точно определена пауза помеѓу нив како би се добило максимално искористување на времето. Тренингот го активира целото тело и е супер за почеток заради можноста да секој индивудуално си го определи темпото.

2. Акцент на нозе и јадро

Тренинг за нозе и јадро во два дела одделени со мала пауза за одмор. Механиката на чучнување се третира од повеќе вежби како би се добил сеофатен тренинг на нозете. Истиот систем се користи и за јадрото и неговото ангажирање во неколку различни позиции.

3. Акцент на раце и задна линија

Во овој тренинг се користи системот "Tabata" кој сам по себе е тип на интервален трениниг со точно определени работни интервали и соодветни паузи. Во овој дел ќе се опфати регијата на рацете и целата мускулатура на задниот дел на телото.

4. Тренинг со висок интензитет

Овој тренинг е така создаден да го третира кардиоваскуларниот систем на телото со неколку засебни вежби изведени без пауза. Овој стимул е индивидуално прилагодлив за индивидуи со различна физичка подготвеност така што секој може да си го одреди својот интензитет на вежбање и на тој начин да добие соодветен одговор од него.

5. Цело тело со акцент на нозе

Три одвоени но поврзани меѓу себе интервални парчиња во овој тренинг ќе им даде посебно внимание на нозете. Со внимателен избор вежбите во овие три интервали ќе се опфати целата мускулатура на нозете, како напред така и позади, со што ќе добиеме одличен стумул за дефинирање и обликување на истите.

6. Тренинг на цело тело 2.0

Скалестото зголемување на повторувањата во секоја следна серија од овој тренинг ни дава за можност да дадеме максимален напор при неговата изведба. Овој пат вежбите го опфаќаат скоро целиот мускулен систем на телото и добиваме супер активација и соодветен метаболички стрес.

7. Акцент на нозе и јадро 2.0

Двата дела од овој тренинг се меѓусебно одвоени и опфаќаат различни групи на мускули на телото. Во првиот дел целото внимание е насочено кон нозете со соодветно планиран одмор во вид на вежба која ќе дозволи да се опорави мускулатурата ангажирана за да може да се продолжи со повторниот стимул. Во вториот дел отстапуваме место за комплекс од вежби за јадро кои ќе бидат супер завршница на тренингот.

8. Тренинг на цело тело 3.0

Тренинг во кој користиме 4 дела секој одвоен со една минута пауза. Високо интензивен тренинг во кој влечеме, туркаме, се наведнуваме и постојано е ангажирано јадрото како би добиле максимална контрола при изведување на вежбите. Балансот помеѓу секоја од сериите е така поставен да може да се префрлате од дел во дел уморни а сепак спремни за новиот интервал.

9. Интервален тренинг со акцент на нозе

Трите делови од овој тренинг се составени од едно минутни интервали проследени со половина минута пауза. Првиот и третиот дел се посветени на долниот дел од телото каде ќе биде супер предизвик да се остане до крај во истите. Вториот дел е поставен да малку ги одмори механизмите на чучнување од првиот и го качи пулсот како премин кон последниот дел.

10. Горен дел и колкови

Тренинг кој ќе ја стави на тест вашата издржливост. Првиот сет е посветен на рацете и рамената, а пак вториот на задниот ланец на мускули на телото. И во двата дела соодветно секоја серија на вежби завршува со вежна за издржливост која го прави овој ситем уште по предизвикувачки.

11. Нозе, јадро и рамен појас

Големиот број на повторувања се одлика на овој тренинг каде нозете ги таргетираме на неколку различни начини. Исто така тука се употребуваат и неколку позиции со кои ја потпираме сопствената тежина на земја и со самото тоа рамената и јадрото се многу инволвирани. Одлична комбинација за подобрување на сила, координација и стабилност на целото тело.

12. Тренинг на цело тело 4.0

Целото тело е на мета со овој тренинг. Се употребуваа комбинација од вежби и интервали во овој тренинг како би добиле максимален ефект од истиот. Секои четири минути се проследени со една минута пауза која е доволна да се префрлите од еден во друг сет се до крај на тренингот. Тренинг со висок интензитет кој ќе ги тестира вашите граници и ќе ве адаптира на новото ниво.

Истегнување vol. 1

Овие вежби се наменети за истегнување по завршување на секој тренинг. Погрижете се да не го прескокнувате овој важен сегмент од вежбањето!

Истегнување vol. 2

Овие вежби се наменети за истегнување по завршување на секој тренинг. Погрижете се да не го прескокнувате овој важен сегмент од вежбањето!